التجربة الافتراضية
دع عملاءك يجرّبون الملابس على صورهم — اختر المنتجات التي يظهر عليها زر التجربة.
التطبيق مش متاح للتفعيل دلوقتي. مزوّد التوليد اللي بيركّب القطعة على الصورة رصيده خلص، ولو سيبناه شغّال كانت كل تجربة هتفشل بعد ما تكون اتخصمت من محفظة المتجر. فهو مقفول لحد ما الرصيد يترجّع.
عن التطبيق
التطبيق ده مناسب لمين
لمتاجر الملابس والأزياء اللي بتاخد مرتجعات سببها المقاس، أو إن القطعة طلعت مختلفة عن الصورة اللي في الإعلان.
المميزات
-
زرار تجربة في صفحة المنتج
بيظهر جوه صفحة المنتج على الويب والموبايل، والتجربة بتفتح في نافذة من غير ما العميل يسيب الصفحة.
-
صورة العميل أو موديل جاهز
العميل يرفع صورته، أو يختار من مجموعة موديلات جاهزة لو مش مرتاح إنه يرفع صورة.
-
تحكّم على مستوى المنتج
بتختار من لوحة التحكم المنتجات اللي يشتغل عليها التطبيق، فتقدر تبدأ بصنف واحد وتوسّع بعدين على راحتك.
-
خصم مقدّم واسترجاع لو فشلت
تكلفة التجربة بتتخصم من محفظة المتجر قبل التنفيذ، ولو التجربة فشلت المبلغ بيرجع للمحفظة أوتوماتيك.
الخطة والفوترة
التطبيق مش متاح للتفعيل دلوقتي، فمفيش خطة معروضة له. اللي مكتوب تحت بيوصف شكل الفوترة لما ينزل.
بيتحاسب بالاستخدام من محفظة المتجر المشتركة: على كل تجربة تتنفّذ، من غير رسوم تركيب ولا اشتراك شهري، والمشاهدة من غير تجربة مبتتحسبش. السعر هيظهر هنا أول ما التطبيق يتاح.
التشغيل
لما التطبيق يتاح، دي الخطوات:
- افتح لوحة التحكم، ادخل على «التطبيقات»، واختار التجربة الافتراضية.
- حدّد المنتجات اللي عايز زرار التجربة يظهر عليها.
- اشحن محفظة المتجر بالرصيد اللي يغطي التجارب المتوقعة.
- افتح صفحة المنتج على متجرك واتأكد إن الزرار ظاهر للعميل.
الدعم الفني
فريق هيكانا اللي بنى التطبيق هو نفسه اللي بيرد عليك — بالعربي، وعلى نفس القناة اللي بتستخدمها لباقي متجرك.